12 красавіка 2025 года ва ўрочышчы Благаўшчына да Міжнароднага Дня вызвалення вязняў фашысцкіх канцлагераў і ў Дзень Рэспубліканскага суботніка адбылося мерапрыемства ў якім прынялі ўдзел кіраўнік Адміністрацыі Завадскога раёна сталіцы Уладзімір Шыбека, дырэктар Дзяржаўнай установы «Беларускі культурны цэнтр духоўнага Адраджэння Аляксандр Госцеў, прадстаўнікі Нацыянальнага статыстычнага камітэта Рэспублікі Беларусь на чале са Старшынёй Белстата Інай Мядзведзевай і калектыў Міністэрства юстыцыі на чале з міністрам юстыцыі Рэспублікі Беларусь - Яўгенам Каваленкам. У рамках мерапрыемства дырэктар Дзяржаўнай установы Аляксандр Госцеў правёў экскурсію па мемарыялу, затым адбылася працоўная акцыя па добраўпарадкаванні тэрыторыі Мемарыяльнага комплексу. Для ўдзельнікаў рэспубліканскага суботніка Адміністрацыя Завадскога раёна арганізавала мітынг-рэквіем, прысвечаны 80-годдзю Перамогі ў Вялікай Айчыннай вайне. Ён стаў данінай памяці аб ахвярах фашызму, чые жыцці абарваліся ў гады акупацыі. "Урочышча Благаўшчына-месца, прасякнутае смуткам і памяццю аб трагічных падзеях Вялікай Айчыннай вайны. Абавязак кожнага з нас-захаваць яго ў годным выглядзе. Удзел статыстыкаў у суботніку - не толькі ўклад у добраўпарадкаванне тэрыторыі, але і праява грамадзянскай пазіцыі. Магчымасць ушанаваць памяць загінуўшых і выказаць сваю прыхільнасць міру і спакою. У год 80-годдзя Вялікай Перамогі гэты суботнік набывае асаблівае значэнне, становячыся яшчэ адным крокам на шляху да захавання гістарычнай памяці і сімвалам адзінства беларускага народа. Толькі беражліва захоўваючы мінулае, мы можам пабудаваць светлую будучыню, - адзначыла Іна Мядзведзева. Іна Мядзведзева распавяла, што гісторыя яе сям'і пераплятаецца з падзеямі знішчэння мірных грамадзян у лагеры-смерці «Трасцянец»: ... «Мой дзед Антон Міхайлавіч Бараноўскі жыў у Мінску, у ваенны час быў грамадзянскім чалавекам. Улетку 1944 года яго расстралялі ў канцлагеры «Трасцянец», тады Чырвоная армія ўжо падступала да Мінска для яго вызвалення. Дакладнага месца пахавання мы не ведаем. Бабуля ж вайну перажыла. Калі яе хавалі, адсюль, з брацкай магілы, бралі зямлю і дадавалі ў магілу бабулі, пасля чаго быў усталяваны агульны помнік. Такім чынам, нягледзячы на невядомасць дакладнага месцазнаходжання парэшткаў дзеда, сям'я захавала памяць пра яго, сімвалічна злучыўшы магілы бабулі і дзядулі».
Па матэрыялах:
https://minjust.gov.by/press/news/
