22 красавіка 2025 года ў Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» адбылося ўрачыстае адкрыццё VI Міжнароднага вакальна-харавога фестывалю-конкурсу «Песні, апаленыя вайной», прысвечанага 80-годдзю Перамогі савецкага народа ў Вялікай Айчыннай вайне. Арганізатарам вакальна-харавога фестывалю-конкурсу «Песні, апаленыя вайной» (фестываль-конкурс) выступае факультэт эстэтычнай адукацыі Беларускага дзяржаўнага педагагічнага ўніверсітэта імя Максіма Танка. Мэта фестывалю - захаванне і развіццё нацыянальных традыцый духоўна-маральнага, грамадзянска-патрыятычнага выхавання дзяцей і студэнцкай моладзі сродкамі харавога і вакальнага мастацтва. Штогод у дадзеным мерапрыемстве прымаюць удзел больш за 1000 выканаўцаў з Рэспублікі Беларусь, Расійскай Федэрацыі, Азербайджанскай Рэспублікі, Рэспублікі Арменія, Рэспублікі Казахстан, Кітайскай Народнай Рэспублікі, Рэспублікі Узбекістан, Туркменістана і інш. Праграма фестывалю-конкурсу ўключае: сустрэчы з вядучымі выканаўцамі Рэспублікі Беларусь, наведванне майстар-класаў вакальнага мастацтва, выступленне харавых калектываў, конкурсныя праслухоўванні і гала-канцэрт. Сярод ганаровых гасцей фестывалю-конкурсу-члены рэктарата ўніверсітэта; Заслужаная артыстка Рэспублікі Беларусь, салістка Вялікага тэатра Беларусі, лаўрэат Дзяржаўнай прэміі Рэспублікі Беларусь, лаўрэат міжнародных конкурсаў Аксана Волкава; Заслужаны дзеяч мастацтваў Рэспублікі Беларусь, Кавалер ордэна Ф. Скарыны Апіёк Н. А,; дырэктар Беларускага таварыства дружбы і культурных сувязей з замежнымі краінамі Іванова Н. С.; Заслужаны дзеяч культуры, старшыня Мінскага гарадскога аддзялення Саюза пісьменнікаў Беларусі Пазнякоў М. П.
