15 лютага 2025 года дэлегацыя Маскоўскай гарадской думы наведала Нацыянальны мемарыяльны комплекс "Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай ". Для дэлегацыі супрацоўнікі Дзяржаўнай установы "Беларускі культурны цэнтр духоўнага Адраджэння" правялі экскурсію па Крыпце Храма, у мемарыяльных нішах якой захоўваецца зямля з месцаў канцлагераў і пахаванняў, мемарыяльных могілак Усходняй і Заходняй Еўропы, месцаў бітваў Вялікай Айчыннай і гарадоў-герояў. Таксама тут знаходзіцца зямля з усіх раёнаў і абласных цэнтраў Беларусі, якая была сабрана падчас акцыі "На славу агульнай Перамогі", прымеркаванай да 75-годдзя Перамогі ў Вялікай Айчыннай вайне. Прысутныя запалілі свечкі і ўшанавалі памяць загінуўшых воінаў. Пасля дэлегацыя наведала пастаянную экспазіцыю "Музей Памяці", храм Святочнага Набажэнства і храмавую прастору асвячоную ў гонар Усячэння галавы Іаана Прадцечы. - Памяць аб подзвігу народа - гэта тое, што мы павінны перадаваць дзецям, унукам і праўнукам. Беларусь вельмі трапятліва ставіцца да памяці пра герояў, ваяроў розных эпох. Нам было цікава пабываць сёння ў Крыпце, дзе сабраны каўчэгі з зямлёй з розных кропак. Асабліва прыемна, што там ёсць зямля з Масквы і іншых расійскіх гарадоў-герояў: Ленінграда і Мурманска, - адзначыў старшыня Маскоўскай гарадской думы Аляксей Шапашнікаў. Ён таксама нагадаў, што ў бягучым годзе гарады-героі Масква, Ленінград, Валгаград адзначаюць 60-гадовы юбілей, таксама як і Брэсцкая крэпасць-герой. «…Мы дамовіліся, што падчас мерапрыемстваў нашай вялікай акцыі збяром зямлю з адсутных гарадоў-герояў і даставім яе сюды, у крыпту храма-помніка, – удакладніў А. Шапашнікаў». Дырэктар Беларускага культурнага цэнтра духоўнага Адраджэння Аляксандр Госцеў расказаў расіянам аб праекце стварэння музея на тэрыторыі мемарыяльнага комплексу "Трасцянец". Тэматычная экспазіцыя размесціцца ў 12 залах. У яе ўвойдуць інавацыйныя сцэнарныя інсталяцыі і гістарычныя макеты, прысвечаныя вязням лагера і ахвярам генацыду, скульптурныя кампазіцыі, а таксама мультымедыйны комплекс "Сцяна памяці". «…У гады Вялікай Айчыннай вайны самыя крывавыя злачынствы, учыненыя ў цынічных і жорсткіх формах, адбываліся менавіта на тэрыторыі лагера смерці «Трасцянец». Па разліках даследчыкаў, тут загінулі больш за паўмільёна чалавек. Мы хочам ушанаваць іх памяць і зафіксаваць у музеі дадзеныя справы аб генацыдзе беларускага народа, які зараз вядзецца, — зазначыў А. Госцеў». Кіраўнік Нацыянальнага мемарыяльнага комплексу протаіерэй Фёдар Поўны дабраславіў прысутных і павіншаваў са святам Грамніц Гасподні. Пасля ўдзельнікі сустрэчы абмеркавалі шэраг пытанняў і абмяняліся падарункамі. У памяць аб візіце ў храм старшыня Маскоўскай гарадской думы пакінуў запіс у кнізе ганаровых гасцей.
Па матэрыялах Агенцтва
«Мінск Навіны»
