1 красавіка 2025 года ў Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах якія паслужылі ў выратаванні Айчыны нашай» у рамках творчага праекта «Харавы саюз: Расія — Беларусь», арганізаванага па ініцыятыве асацыяцыі выпускнікоў Расійскай акадэміі музыкі імя Гнесіных пры падтрымцы гранта Прэзідэнцкага фонду культурных ініцыятыў Расійскай Федэрацыі адбылося мерапрыемства, пачаткам якога стала Набажэнства ў Храме Усіх Святых. З прывітальным словам да ўдзельнікаў праекта звярнуўся кіраўнік Нацыянальнага мемарыяльнага комплексу протаіерэй Фёдар Поўны, суправаджаў Набажэнства Студэнцкі хор Беларускай акадэміі музыкі, кіраўнік І. Бадзяка. Па заканчэнні Набажэнства адбылося падпісанне Дамовы аб супрацоўніцтве паміж рэлігійнай суполкай «Прыход у гонар Усіх Святых у г.Мінску Мінскай Епархіі Беларускай Праваслаўнай Царквы», Дзяржаўнай установай «Беларускі культурны цэнтр духоўнага Адраджэння» і Дзяржаўнай установай адукацыі «Беларуская дзяржаўная акадэмія музыкі». Далей у Белай зале Храма-помніка адбыўся канцэрт, у якім прынялі ўдзел студэнцкі хор Беларускай дзяржаўнай акадэміі музыкі пад кіраўніцтвам Інэсы бадзяка і ансамбль сучаснай харавой музыкі Altro Coro Расійскай акадэміі музыкі імя Гнесіных пад кіраўніцтвам Аляксандра Рыжынскага. Праграма ўключала творы вядомых кампазітараў, такіх як Павел Часнакоў, Віктар Каліннікаў, Сяргей Якімаў, Вячаслаў Кузняцоў, Алена Атрашкевіч і Андрэй Саўрыцкі. Былі выкананы народныя мелодыі і духоўныя вершы, якія адлюстравалі багацце музычнай спадчыны абедзвюх краін. У цэлым, канцэрты праекта «Харавы саюз: Расія — Беларусь " - важная падзея ў культурным жыцці абедзвюх краін, якія спрыяюць умацаванню сувязей паміж краінамі праз музыку. Удзел таленавітых выканаўцаў і разнастайнасць рэпертуару зрабілі гэтае мерапрыемства незабыўным для гледачоў.
