28.09.2024
27-28 верасня ў Мінску прайшоў першы форум блогераў Беларусі «Блогбай. Нам ёсць што сказаць!», арганізаваны пры садзейнічанні Міністэрства інфармацыі і адукацыі Рэспублікі Беларусь і кампаніі «Белтэлекам». Форум аб'яднаў блогераў, журналістаў, кіраўнікоў СМІ, спецыялістаў у сферы камунікацый і прадстаўнікоў факультэта журналістыкі БДУ, якія сабраліся з мэтай абмеркавання работы сродкаў масавай інфармацыі ў сучаснай інфармацыйнай прасторы і абмену вопытам.
Праграмай форуму было прадугледжана наведванне яго ўдзельнікамі знакавых месцаў Беларусі з мэтай азнаямлення з гістарычным мінулым і культурнай сучаснасцю нашай краіны. Экскурсіі праходзілі па трох экскурсійных кропках: мемарыяльны комплекс «Трасцянец», мемарыяльны комплекс «Благаўшчына», музей Вялікай Айчыннай вайны. У знак павагі да гістарычнай спадчыны Беларусі і гераічнага мінулага нашага народа ўдзельнікі #БлогБай усклалі кветкі ў мемарыяльных комплексах «Трасцянец» і «Благаўшчына», а таксама да стэлы «Мінск — горад-герой». Узаемадзеянне з вопытнымі настаўнікамі і наведванне такіх знакавых месцаў натхнілі ўдзельнікаў на крэатыўныя ідэі, якія яны маюць намер рэалізаваць у сваіх праектах.
