29 мая Нацыянальны мемарыяльны комплекс «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» наведала дэлегацыя Генеральнага штаба Узброеных Сіл Расійскай Федэрацыі на чале з начальнікам архіўнай службы Узброеных Сіл Расійскай Федэрацыі Падзерыным Э.А. У ходзе візіту дэлегацыя наведала Крыпту, пастаянную экспазіцыю «Музей памяці». Далей у Белай зале Храма-помніка дырэктар дзяржаўнай установы «Беларускі культурны цэнтр духоўнага Адраджэння» Аляксандр Госцеў прадставіў праект будучага інфармацыйнага цэнтра мемарыяльнага комплексу «Трасцянец». У ходзе сустрэчы абмяркоўвалася тэма пра лёсы ахвяр лагера смерці «Трасцянец», бежанцах Смаленскай, Курскай, Варонежскай і Арлоўскай абласцей і архіўных дакументах аб частках Чырвонай Арміі, якія першыя ўвайшлі ў лагер смерці «Трасцянец» у ліпені 1944 г. Начальнік архіўнай службы Узброеных Сіл Расійскай Федэрацыі Падзерын Э. А. пакінуў запіс у кнізе ганаровых гасцей.
