8 жніўня 2023 года ў рамках правядзення ў Рэспубліцы Беларусь II гульняў краін СНД Нацыянальны мемарыяльны комплекс "Храм-помнік у гонар Усіх Святых і ў памяць аб ахвярах, якія выратаванню Айчыны нашай паслужылі" наведала дэлегацыя спартсменаў, якія ўдзельнічаюць у спартыўных спаборніцтвах II гульняў краін СНД. Для дэлегацыі супрацоўнікамі дзяржаўнай установы "Беларускі культурны цэнтр духоўнага Адраджэння" была праведзена экскурсія па Крыпце, пастаяннай экспазіцыі "Музей Памяці", таксама жадаючыя змаглі наведаць Храм Святочнага Набажэнства.
Даведачна:
Ідэю правядзення Гульняў краін СНД прапанавала Расійская Федэрацыя. Задумка была падтрымана на пасяджэнні Савета кіраўнікоў дзяржаў СНД у Душанбэ 28 верасня 2018 года. I Гульні краін СНД прайшлі ў Казані ў 2021 годзе. У снежні 2021 года Савет па фізічнай культуры і спорце ўдзельнікаў Пагаднення аб супрацоўніцтве ў галіне фізічнай культуры і спорту дзяржаў - удзельніц СНД вызначыў Беларусь месцам правядзення ІІ Гульняў краін СНД у 2023 годзе. Спаборніцтвы праходзяць у 11 гарадах розных рэгіёнаў Беларусі. Мэта новага фармату - пашырыць геаграфію турніру і вывесці спорт у рэгіёнах на больш высокі ўзровень. У прыватнасці, гарадамі спаборніцтваў стануць Мінск, Барысаў, Брэст, Віцебск, Гомель, Гродна, Жлобін, Магілёў, Маладзечна, Орша і Салігорск.
